Դիտորդական առաքելության իրավունք ունեցող խմբերին ներկայացվել են Պաշտպանի լիազորությունները ընտրական գործընթացներում

Դիտորդական առաքելության իրավունք ունեցող խմբերին ներկայացվել են Պաշտպանի լիազորությունները ընտրական գործընթացներում

          ՀՀ մարդու իրավունքների պաշտպանի աշխատակազմի Արագ արձագանքման վարչության պետի տեղակալ Մարտիկ Մարտիրոսյանը փետրվարի 11-ին Երեւանում Եվրոպայի խորհրդի եւ Հելսինկյան քաղաքացիական ասամբլեայի Վանաձորի գրասենյակների համատեղ կազմակերպած դասընթացին տեղական դիտորդական խմբի դասընթացավարների համար հանդես է եկել ելույթով:

 

          Դասընթացները կազմակերպվել էին Սեւան քաղաքում «Երկարաժամկետ ընտրական աջակցություն Հայաստանում ընտրությունների հետ առնչվող շահագրգիռ կողմերին» ծրագրի շրջանակներում, որն իրականացվում է Երեւանում Եվրոպայի խորհրդի եւ Եվրոպական միության աջակցությամբ: Դասընթացին մասնակցել են Հայաստանի Հանարապետությունում ընտրությունների ժամանակ դիտորդական առաքելության իրավունք ունեցող հասարակական կազմակերպությունների ներկայացուցիչներ:

 

          Քննարկմանը մասնակիցներին ներկայացվել են ՀՀ մարդու իրավունքների պաշտպանի լիազորությունները ընտրական գործընթացների ոլորտում, Պաշտպանի աշխատակազմում ընտրական իրավունքներին առնչվող բողոքներին արձագանքելու եւ դրանք քննարկելու կարգը: Մասնակիցներին պարզաբանվել է նաեւ Պաշտպանին դիմելու կարգը: Նշվել է, որ քվեարկության օրը Պաշտպանի աշխատակազմում ձեւավորվելու են աշխատանքային խմբեր, որոնք քաղաքացիներին տրամադրելու են խորհրդատվություն, իրականացնելու են արագ արձագանքման այցեր, ինչպես նաեւ հրապարակային աղբյուրներից ստացված տվյալների մշտադիտարկում:

 

          Միջոցառման ընթացքում քննարկվել են ընտրությունների ընթացքում դիտորդների իրավունքներին առնչվող, Պաշտպանի աշխատակազմի եւ ընտրությունների ժամանակ դիտորդական առաքելություն իրականացնող հասարակական կազմակերպությունների համագործակցությանը վերաբերող հարցեր եւ այլն: